Fëmijën e humbur e zë gjumi në krahët e Policit të Bashkisë (Foto)

Dita e Verës është festuar me aktivitete të shumta në Tiranë.
Shumë qytetarë iu drejtuan Bulevardit Dëshmorët e Kombit ku sigurisht nuk mund të mungonin aktivitetet për argëtimin e fëmijëve. Por prindërit e një fëmije duket se nuk kanë qenë aq shumë të kujdesshëm. Vogëlushi u shkëput nga prindërit dhe u gjet i vetmuar nga një Polic i Bashkisë së Tiranës. Pasi e mbajti në krahë, fëmijën e zë gjumi. Fotoja është fiksuar në ato momente nga gazetarja Alma Çuka që e ka shoqëruar foton me një koment:

“Festa e Verës nuk solli vetëm gëzim…ky fëmijë kishte humbur dhe teksa qante në Bulevard mes turmës së qytetarëve që lëviznin në kahe të ndryshme, një punonjës i Policisë vrapoi dhe e mori në krahë..Veprim për tu përshëndetur…Fëmija u qetësua dhe e zuri gjumi në krahët e policit, i cili me pas u fut në makinë..në pritje të prindërve që në këtë rast janë treguar të pakujdesshëm…Një këshillë për të gjithë prindërit që dalin me qëllimin e mirë për të festuar…Mos largoni në asnjë moment vëmendjen tuaj nga engjëjt…”.- shkruan gazetarja.

Policia Bashkiake kanë ndihmuar gjatë ditës së sotme disa raste të tilla.