Zaev: Zgjedhje korrekte dhe qeveri përgjegjëse parakushtet kryesore për një Maqedoni demokratike
Zgjedhje korrekte dhe të rregullta dhe qeveri përgjegjëse janë dy parakushtet kryesore për një Maqedoni demokratike, konsideron lideri i LSDM-së, Zoran Zaev, njofton TV21.
Në Konferencën e sotme ndërkombëtare kushtuar sigurimit të parakushteve bazë për një Maqedoni demokratike, lideri i LSDM-së porositi se duhet të ketë zgjedhje korrekte dhe proces zgjedhor të rregullt dhe të shmanget një fitues legjitim i pranuar nga të gjithë.
Sipas Zaevit, zgjhedhjet duhet të zbatohen me Listë zgjedhore të besueshme dhe të pastër, e jo me, siç tha, mijëra vota joekzistuese dhe numra amë të imajginuar.
Lideri i LSDM-së theksoi se pason një periudhë jashtëzakonisht e rëndësishme për të ardhmen e Maqedonisë, respektivisht pasojnë zgjedhjet më të rënësishme të Republikës së Maqedonisë.
Në konferencë marrin pjesë edhe përfaqësues të partive të socialistëve evropianë, të cilët theksuan se e drejta e demokracisë nuk mund të rezervohen vetëm për një kategori të njerëzve, por duhet ta përjetojnë të gjithë qytetarët.