BE për seancën e Presidentit: Skenat që i pamë dje janë ekstremisht brengosëse

Zgjedhjen e Hashim Thaçit President të Kosovës në seancën e djeshme ku kishte edhe gaz lotsjellës, Bashkimi Europian e ka cilësuar jashtëzakonisht shqetësuese, njofton Klan Kosova.

“Parlamenti i Kosovës e ka zgjedhur Hashim Thaçin President të Kosovës në një atmosferë të tensionuar dhe shumë të përçarë. Skenat që i pamë dje në Parlament janë ekstremisht brengosëse”.

“Aktet e dhunës, të çfarëdo forme dhe nga kushdo që vijnë ato, janë të papranueshme. Retorika nxitëse vetëm sa i shërben më shumë polarizimit dhe e bënë dialogun akoma më të vështirë”.

“Ne presim që liderët politikë në Kosovë të veprojnë përgjegjshëm dhe që bashkërisht t’i ulin tensionet”, thuhet në një komunikatë lëshuar nga Këshilli Europian.