Turqia sulmon pozicionet e PYD-së në Halep, Siri
Forcat e Armatosura të Turqisë kanë goditur pozicionet e organizatës terroriste PYD/PKK në qarkun Azez të Halepit në Siri me ç’rast janë vrarë 29 militantë të PYD-së, raporton Anadolu Agency (AA).
Zekeriya Karsli, një prej komandantëve turkmen të Cephetu’sh Shamiye-s e lidhur me Ushtrinë e Lirë Siriane në Azez, në deklaratën e tij për gazetarin e AA-së tha se gjatë gjuajtjes me topat e njësive të vendosura në vijën kufitare në Kilis ndaj pozicioneve të PYD/PKK-së në Azez janë vrarë dhe janë plagosur shumë anëtarë të organizatës terroriste.
Ai theksoi se në sulmet ndaj forcave të PYD-së të cilët kanë marrë nën kontroll aeroportin në afërsi të fshatit Minnig në Azez janë vrarë 10, në pozicionet në rrethinën e fshatit Maranas 12 dhe në fshatin Meryemin 7 persona. Karsli më tej shtoi se Forcat e Armatosura të Turqisë kanë sulmuar me topa pozicionet e PYD-së në Siri dhe se sulmet ende janë duke vazhduar.
Sipas informacioneve të marra nga burimet e inteligjencës ai thekson se forcat e PYD-së kanë pësuar goditje të dukshme nga Forcat e Armatosura të Turqisë, duke i zbrapsur nga pozicionet në aeroportin në Minnig dhe përreth fshatit Maranas.
Dje në rajonin Maranas i ndodhet në jugperëndim të qarkut Azez të Halepit, pjesëtarët e organizatës seperatiste terroriste PYD/PKK kanë hapur zjarr ndaj bazës në Akçabaglar ndërsa Forcat e Armatosura të Turqisë në kuadër të rregullave të angazhimit janë kundërpërgjigjur. Ndërsa gjuajtjet me topa në Siri të cilat filluan sot në mesditë ende po vazhdojnë.