Shembet tuneli në Gaza, vdesin 7 pjesëtarë të Hamasit
Grupi militant palestinez “Hamas” ka njoftuar se shtatë luftëtarë të saj kanë vdekur pasi është shembur një tunel në veri-perëndim të Gaza-s.
Tuneli pranë kufirit izraelit u shemb pas shirave të rrëmbyeshëm, ka thënë ky grup.
Militantët palestinezë kanë përdorur tunelet në kufijtë e Gazës me Izraelin dhe Egjiptin për të nisur sulme ndaj Izraelit, për të transportuar armë si dhe kontrabandim mallrash.
Izraeli shkatërroi dhjetra tunele gjatë konfliktit të vitit 2014 në Gaza, por Hamasi i ka rindërtuar disa prej tyre, raporton BBC, përcjellë Klan Kosova.
