Messi mungon në Kupën e Mbretit
Listës së lojtarëve të dëmtuar të Barcelonës, i është shtuar edhe ylli kryesor i skuadrës, Lionel Messi. Siç raporton e përditshmja spanjolle “Sport”, argjentinasi do të humbasë sfidën e parë të duelit çerekfinal ndaj Athletic Bilbaos në “San Mames”.
“Messi nuk është i dëmtuar, por ka disa shqetësime muskulore në këmbën e djathtë, ndaj dhe nuk duam të rrezikojmë më shumë”, thuhet në komunikatën e lëshuar nga klubi blaugranas.
Argjentinasi u zëvendësua në pushimin mes dy pjesëve nga Arda Turan, në duelin e fundit të kampionatit spanjoll ndaj Athletic Bilbaos.