Prej fillimvitit në Maqedonia janë regjistruar rreth 18.000 refugjatë
Përkundër kohës së ftohtë dhe mos lejimit të tranzitimit të gjithë refugjatëve tjerë përveç irakenëve, sirianëve dhe afganëve, në Maqedoni vazhdon të ketë fluks të madh të refugjatëve. Nga 1 janari 2016, autoritetet e sigurisë në vend kanë njoftuar se janë regjistruar rreth 18.000 refugjatë, ndërsa vetëm gjatë së enjtes kanë mbërritur plot 1784 refugjatë.
Rreth 50 përqind e refugjatëve në Greqi kanë migruar nga lufta, ndërsa gjysma tjetër prej problemeve ekonomike. Këta të fundit nuk lejohen të tranzitojnë përmes Maqedonise.
