Maqedonia do të vendos gardh mbrojtës me Greqinë edhe në kalimin kufitar Mexhitlia
Maqedonia filloi të vendos edhe gardhin e dytë në kufirin me Greqinë, pas asaj në Gjevgjeli, për kontroll më të mirë me fluksin e refugjatëve, thonë burimet ushtarake në Shkup, kumton rrjeti ballkanik i “Radio Evropa e Lirë”, njofton Portalb.
“Do të ngritim kufi në vendin e quajtur Mexhitlia” ka thënë për AFP burimi ushtarak maqedonas, që preferon të qëndroj anonim.
Sipas burimit të njëjtë, kjo pjesë e kufirit është poroz dhe me këtë do të ndaloheshin hyrjet ilegale të emigrantëve.
Maqedonia më 19 nëntor filloi të bëj selektimin e emigrantëve në bazë të asaj se në çfarë vendi vijnë, për çka filluan protesta.
Kah fundi i nëntorit, përfundoi ndërtimi i gardhit prej 3 km në kufirin me Greqinë. /Portalb
