Komandanti i Forcave të Sigurisë së Kosovës për vizitë në ARM
Për vizitë zyrtare në ARM sot do të qëndrojë komandanti i Forcave të Sigurisë së Kosovës, (FSK), gjeneral-nonkoloneli Rrahman Rama.
Delegacioni i FSK-së në Shtatmadhorinë e ARM-së, siç është paralajmëruar, do të pritet me nderime ushtarake nga ana e nikoqirit, shefit të SHM të ARM-së, gjeneral-nënkoloneli Metodija Veliçkovski.
Gjatë qëndrimit në SHM të ARM-së, gjenerali Rama do të takohet edhe me zëvendësministrin e Mbrojtjes, Ilmi Selami.
Siç kumtuan nga Ministria e Mbrojtjes, temat kryesore, në të cilat dot ë bisedohet në takim do të jenë: avancimi i bashkëpunimit dypalësh në fushën e edukimit, prezantimeve për pjesëmarrje të ARM-së në misionet paqeruajtëse dhe Koncepti për aftësi operative.
