Rama: Reformat, me çdo çmim!
Kryeministrit Edi Rama është shprehur i vendosur per te vijuar reformat qofshin këto edhe me kosto politike. Nga Fieri, gjate nje takimi me strukturat e partisë, kreu i qeverise theksoi se mandati i tij dhe çdo deputeti te majte, duhet te prodhoje rezultate si e vetmja mënyre per transformimin e vendit. Kryeministri dhe kreu i socialisteve kërkoi që çdo zyrtar i kësaj mazhorance të punojë për të luftuar korrupsionin, nepotizmin dhe klientelizmin. Rama ka shpjeguar ndërkohë masat e marra në sektorë si ekonomia, shëndetësia e bujqësia, duke thënë se reformat e nisura, do të shoqërohen edhe me mbështetje financiare për të rritur mirëqenien.
