Zënkë për dru para kamerës – qytetarët paguajnë, por nuk i marrin drutë! (Video)

Dimri po vjen e qytetarët janë me vlugun më të madh se si të sigurojnë ngrohje për familjet e tyre. Edhe kësaj here drutë janë më të kërkuara, por qytetarët ankohen për pritje të gjata për t’u furnizuar me këtë lëndë djegëse. Pagesën e kanë bërë për dru, por ato nuk i kanë marrë. Kjo i shtyn qytetarët që të ketë edhe përplasje me zyrtarët e pyjeve, njofton TV21.

Këto pamje që po i shihni tregojnë se qytetarët janë në hall për sigurimin e druve për dimër. Disa i kanë paguar, e disa presin ti paguajnë, por ka të atillë që drutë i marrin pa pritur fare. Kjo i ka irrituar blerësit e druve në depon “Karaxhica” në Petrovec, ku me gjithë pagesën mungojnë drutë për gjithë ata të interesuar.

Shikoni se si përplasen udhëheqësi i shitjes në depon “Karaxhica” dhe një qytetar blerës i druve.