Mbyllet pranimi i këngëve për festivalin e RTSH
Festivali i Këngës në RTSH këtë vit vjen në edicionin e 54. Prej kohësh organizatorët e festivalit kanë nisur përgatitjet, ndërsa pritet të jenë emra të njohur dhe të rinj që do të jenë me krijimet e tyre muzikore konkurrentë në skenën e këngës së lehtë shqiptare në RTSH.
Ndër emrat e njohur të muzikës të cilët i rikthehen skenës së këtij festivali do të jenë këngëtarë si Eneda Tarifa, Kozma Dushi, Evans Rama, Luiz Ejlli, Voltan Prodani dhe Grupi Simbol.