Mbrëmë u mbajt koncerti “Këngë të paharruara”
Mbrëmë u mbajt koncerti “Këngë të paharruara”, të interpretuara nga Kastriot Tusha, dhe Sinan Vllasaliu, në përcjellje të Orkestrinës Popullore të Qytetit të Elbasanit “Isuf Myzyri”, me solistë: Zeqir Sulkuqi (violinë), Sopot Serica (fizarmonikë) dhe Arben Topalli (klarinetë), nën orkestrimin e Klement Markut, gjithashtu dhe përcjellje nga grupi i valleve “Isuf Myzyri”, nën koreografinë e Artan Ibershimit.
Në këtë koncert u interpretuan këngë të mirëfillta dikur të interpretuara nga Isuf Myzyri, Muharrem Gurra, Mustafa Bodini dhe Qamili i Vogël ndërsa tash nga Kastriot Tusha dhe Sinan Vlasaliu.
Shkupi është destinacioni i tretë i mbajtjes së koncertit sepse i njëjti është mbajtur në Tiranë dhe Prishtinë.
Organizatorë të koncertit janë Qendra Informative Kulturore – Shkup në bashkëpunim me Komunën e Çairit.
