Opozita zbulon Muralet në Kuvendin e Kosovës

Opozita ka bërë një akt përpara se të hyjë në sallën ku mbahen seancat plenare. Deputetët e tri partive VV, AAK dhe Nisma, me mjete të forta kanë shqyer mbulesat e muraleve në Kuvendin e Kosovës.

Muralet kanë qenë të mbuluara prej kohës kur është rinovuar Kuvendi i Kosovës, në kohën e Nexhat Dacit. Ato qenë mbuluar për shkak të karakterit etnik që simbolizojnë. Administrata e OKB-së pati insistuar asokohe që ato të hiqeshin në mënyrë që të mos nxitnin pakënaqësi te komuniteti serb. Ka pas edhe vlerësime se ato kanë qenë të punuara keq dhe nuk paraqesin ndonjë vlerë artistike.