Zënkë për një vend parkingu në Q.T. “Mavrovasja”

Një zënkë ka ndodhur para disa çasteve tek parkingjet e qendrës tregtare “Mavrovasja” në Shkup, raporton Shenja.

Në zënkën e cila eskaloi në përleshje fizike, një person është goditur në kokë me shufër hekuri dhe ka përfunduar në spital me lëndime të rënda trupore. Arsyet e zënkës sipas dëshmitarëve okular janë për shkak të një vendi për parkim.

Dëshmitarët thonë se sulmuesi është larguar nga vendi i ngjarjes, ndërkohë që ende nuk dihet gjendja shëndetësore e të lënduarit. Ekipet policore tanimë ndodhen në vendin e ngjarjes.