Kurir: Shqiptarët përgatisin hakmarrje të përgjakshme

Marko Nicoviç, ish shefi i policisë së Beogradit, mendon se shqiptarët do t’i hakmerren përfaqësueses së Serbisë, me 8 tetor në ‘Elbasan Arena’, për humbjet që ka pësuara në Koshare gjatë luftimeve të vitit 1999.

Mediat serbe vazhdojnë të pretendojnë se përfaqësuesja e Serbisë nuk do të jetë e sigurt në Shqipëri, ku me 8 tetor do të luaj në Elbasan Arena kundër Kombëtares shqiptare.

Ish ‘naqallniku i Policie së Beogradit, Marko Nicoviç ka thënë se Shqipëria nuk ka kapacitet si shtet të ofroj siguri për ndeshjen e së enjtes, për shkak të mungesës së pjesëtarëve të sigurimit, shkruan e përditshmja serbe Kurir.

Madje, Nicoviç mendon se shqiptarët do t’iu hakmerren serbëve për humbjet që ka pësuara në Koshare gjatë luftimeve të vitit 1999, raporton Gazeta Express.

“Sigurisht që do të ketë provokime, nuk po flasim për ndeshje futbolli por për ngjarje politike. Shqiptarët këtë e kanë treguar në Beograd, ku futbolli nuk iu ka interesuar fare. Nëse bëjnë ndonjë incident do të jetë një njollë e madhe për ta si shtet, sepse është paralajmëruar se nuk doi të ketë probleme. 1500 policët nuk janë të mjaftuar. E di që kreu i shtetit shqiptar nuk ka kontroll të plotë mbi policinë”, ka deklaruar Nikovic.

“Shqipëria është vendim me numrin më të vogël të shkolluar në strukturat e sigurisë. Nuk duhet harrua që aty punojnë ende njerëz që kanë qenë pjesë e sigurimit shtetëror, të cilët kanë trajnuar terrosirët nga Kosova në vitin 1999. Disa nga ta janë vrarë në luftimet ushtrinë serbe në regjionin e Koshares. Ata këtë sigurisht se nuk e kanë harruar dhe do të kërkojnë mënyrë për tu hakmerru”, shtoi ai.