Xhorxhia ekzekuton gruan e parë që nga viti 1945
Gjeorgjia ekzekuton amerikanen Kelly Gissendaner përkundër kërkesave të minutës së fundit për të ndaluar ekzekutimin e saj.
Njërën ndër kërkesat për ndalimin e ekzekutimit të saj e kishte bërë edhe Papa Françesku.
Kelly Gissendaner, 47, ishte gruaja e parë e cila dënohet me vdekje në shtetin jugor amerikan pas 70 viteve.
Avokatët kanë dorëzuar të paktën tre ankesa në Gjykatën Supreme të SHBA-ve, në përpjekje për të shtyrë orët e dënimit para se të vdiste, raporton BBC, transmeton Klan Kosova.
Gissendaner kishte planifikuar që ta vriste, por ajo nuk e ka kryer vrasjen e burrit të saj në vitin 1997.
Të dashurit të saj të mëparshëm Gregory Owen, i cili vrau Douglas Gissendaner, iu dha burgim i përjetshëm si pjesë e një ujdie.
Papa Françesku, i cili ishte kohët e fundit në një turne amerikan, i bëri thirrje bordit shqyrtues që të rishqyrtojë çështjen. Por të martën pasdite, bordi njoftoi se nuk ishte dhënë mëshirë.
Disa orë më vonë, Gjykata e Lartë e SHBA tha se kishte refuzuar tri aplikacionet për shtyrjen e ekzekutimit.
Dëshmitarë të cilët ishin të pranishëm në ekzekutim i thanë mediave lokale se ajo këndoi Amazing Grace, para se t’i jepej injeksioni vdekjeprurës.
Apeli i Papës për jetën e Gissendaner ishte bërë në një letër të shkruar nga përfaqësuesi i tij diplomatik në SHBA, Kryepeshkopi Carlo Maria Vigano, të martën.
Kryepeshkopi shkruan se nëse nuk dëshirojnë të mimizojnë peshën e krimit, ai iu lut Bordit ta zbusin dënimin.
Avokatët e Gissendaner i thanë bordit se ajo kishte pësuar një transformim në burg, duke ofruar mbështetje për të burgosurit me probleme dhe duke treguar pendim për krimet e saj.
Shefi i Drejtësisë Norman Fletcher vuri në dukje se Gjeorgjia nuk kishte ekzekutuar një person i cili nuk e kishte kryer vrasjen aktuale qysh kur dënimi me vdekje u rikthye në vitin 1976.
Gjeorgjia ka ekzekutuar rreth 60 njerëz që nga viti 1976, dhe ka më shumë se 80 persona të dënuar me vdekje.