Supremja e miratoi aktgjykimin për “Dhomën Publike”, u refuzua kërkesa për shqyrtim të jashtëzakonshëm të aktgjykimit

Gjykata Supreme e Maqedonisë së Veriut e ka refuzuar si të pabazë kërkesën për shqyrtim të jashtëzakonshëm të aktgjykimit për rastin “Dhoma Publike”, raporton Portalb.mk.

Vendimi është marrë në një seancë të mbajtur dje nga Këshilli i veprave penale në  Gjykatën Supreme.

“Këshilli i veprave penale pranë Gjykatës Supreme të Republikës së Maqedonisë së Veriut, miratoi Aktgjykim Kvp2.nr.23/2023, me të cilin kërkesat për shqyrtimin e jashtëzakonshëm të vendimit të plotfuqishëm, të Gjykatës Themelore Penale Shkup K.nr.1851/21 të datës 11.03.2022 dhe aktgjykimin e Gjykatës së Apelit Shkup KZH.nr.588/22 të datës 24.11.2022, i refuzoi si të pabaza”, njoftoi Supremja.

Themeluesi i grupit ku shpërndaheshin materiale pornografike të grave nga Maqedonia pa lejen e tyre, u dënua me katër vite burg, ndërsa po aq, është dënuar, gjegjësisht katër vite, edhe administratori Mihail Panevski. Ata u ndoqën penalisht për lejimin e publikimit të një videoje që tregonte akte seksuale me një fëmijë. Të dy u akuzuan për veprën penale e prodhimit dhe shpërndarjes së pornografisë së fëmijëve.

“Dhoma Publike” u krijua në fund të vitit 2019 dhe në të shpërndaheshin fotografi dhe të dhëna personale të vajzave dhe grave në vend.

• LEXO: Administratorët e “Dhomës Publike” u dënuan me nga katër vite burg (VIDEO)
• LEXO: Për herë të tretë është hapur “Dhoma Publike” në Telegram
• LEXO: RMV, filloi gjyqi për rastin Dhoma Publike
• LEXO: Gratë aktiviste për të drejtat e njeriut në rajonin e Ballkanit porosisin që institucionet të veprojnë ndaj autorëve të dhunës përmes internetit
• LEXO: Serbia kërkon të dhëna nga “Telegram” për zbulim të anëtarëve në “Dhomën publike” ballkanike
• LEXO: Prokuroria Publike: Hetimi për “Dhoma publike 2” është në fazën përfundimtare, po zhvillohen procedura hetimore në disa prokurori
• LEXO: Protestë për ‘Dhomën publike’: Organizatorët kërkojnë që më 8 Mars gratë të lirohen nga puna, të marrin pjesë në marsh
• LEXO: Dhoma Publike: Një vit pa aktakuza, aktivistët kanë dhënë afat deri më 8 mars, në të kundërtën do të protestojnë
• LEXO: RMV, 30 ditë paraburgim për dy të dyshuarit për prodhim dhe shpërndarje të pornografisë të vajzës 14 vjeçare
• LEXO: RMV, gjykata caktoi 30 ditë paraburgim për krijuesin dhe administratorin e grupit “Dhoma Publike”