Ka përfunduar restaurimi i “Sahat Kullës” në Gostivar
Ndërhyrjet q i ka bërë Qendra për konservim në monumentin më të njohura kulturorë dhe historike të qytetit në Gostivar, janë me karakter konservues dhe përfshinë sigurimin e mureve , dritaret dhe restaurimin e shkallëve prej druri që çojnë në krye të kullës.
Ministrja e Kulturës, Kançevska, thotë se në këtë mënyrë kontribuohet në ngritjen e nivelit të kulturës , si edhe tërheqjen e turistëve të huaj në qytet.
” Kulla e Sahatit”, fitoi një pamje autentike të jashtme dhe të brendshme. Ky objekt historik mund të përdoret si një promocion i rëndësishëm turistik. Jam e habitur nga ajo që është punuar, tani u ngjitëm shkallëve dhe ata janë të konservuara në mënyrë autentike. Mendojë se shumë turist do të vijnë këtu dhe kanë çfarë të shohin”, tha ministrja e kulturës Kançevska.
“Kulla e Sahatit”, e cila ndodhet në qendër të qytetit të Gostivarit, e cila gjendet si simbol në flamurin dhe në stemën e qytetit, është ndërtuar në vitin 1728, nga Ismail Aga.
Ministrja e kulturës, Kançevska, njoftoi se në periudhën e ardhshme, do të riparohen edhe orët e kullës.