Pleqtë që ushtrojnë, jetojnë më gjatë
Ushtrimet e rregullta në pleqëri kanë të njëjtin efekt të fuqishëm mbi jetëgjatësinë sikur edhe heqja dorë nga duhani, thonë hulumtuesit.
Analiza e 5,700 pleqve në Norvegji ka treguar se ata që kanë bërë tri orë ushtrime në javë, kanë jetuar rreth pesë vjet më gjatë sesa ata që kanë qenë pasivë.
Studimi, i kryer nga Spitali Universitar i Oslos dhe i publikuar në revistën British Journal of Sports Medicine, bën thirrje për më shumë fushata për të nxitur të moshuarit që të merren me palestër.
