Fitore e madhe për Interin
Interi e ka fituar sfidën e vështirë në Olimpiko, duke e mundur Lazio me rezultat 1:2.
Vendasit e nisën furishëm takimin, duke e dominuar skuadrën e Mancinit, ku edhe në minutën e 8’, gjetën golin nëpërmjet Antonio Candreva.
Gjithçka po shkonte mirë për Lazion, deri në minutën e 24’, kur Mauricio, ndërhyri në Palacion, për t’u ndëshkuar me karton të kuq, dhe shkaktuar ndërhyrje të palejuar, nga e cila erdhi edhe goli.
Ishte Hernanes, që shënoi nga goditja e dënimit.
Me këtë rezultat skuadrat shkuan në pushim.
Në pjesën e dytë, mendohej se Interi do ta kishte më të lehtë me një lojtar më shumë në fushë, por Lazio vazhdonte të mbahej mirë.
Në minutën e 60’, gjërat përkeqësohen edhe më shumë për lacialët, pasi që portieri Marcheti, ndërhynë në Icardin në zonë, për të shkaktuar penallti, dhe ndëshkuar me të kuq.
Por, nga pësimi i golit të dytë Lazion, e shpëtoi Etrit Berisha, që me t’u inkuadruar në lojë, ia doli të pres penalltinë.
Vazhdimi i ndeshjes, ishte i vështirë për Lazion. Të qenit me dy lojtarë më pak, paraqiste problem të madh për vendasit, që në minutën e 84’, pësuan edhe golin e dytë. Ishte prapë Hernanes që shënoi.
Lazio pas kësaj humbje, mbetet në vendin e tretë me 63 pikë, ndërsa Interi në pozitën e 7 me 54 pikë, 2 më pak se Samdoria, që gjendet në një pozitë që dërgon në Evropë.