Sa miliona funte ka fituar United?

Klubi i futbollit, Manchester United njoftoi se të ardhurat e saj në këtë vit fiskal deri më 30 qershor kanë shënuar rritje prej 13.4 përqind, përkatësisht ka arkëtuar 363.2 milionë funte.

Të ardhurat nga reklamat u rritën në 152.5 milionë funte (29.7 përqind), sponsorizime 90.9 milionë funte (44.1 për qind), ndërsa borxhi u reduktua në 389.2 milionë funte, përkatësisht 10.9 përqind.

Në njoftim shkruan se klubi United ka fituar 17.2 milionë funte, pagat në klub u rritën në 180.5 milionë funte (11.6 për qind), ndërsa të hyrat nga të drejtat televizive ranë me 2.3 për qind, përkatësisht 101.6 milionë funte.