Nishani: Të shembim bunkerët e krimit dhe korrupsionit
“25 vite më parë shembëm bunkerët e komunizmit, ndërsa sot duhet të shembim bunkerët e krimit e korrupsionit dhe të ndërtojmë shtetin ligjor. Krimi dhe korrupsioni nuk duhet të gjejnë vend në shoqërinë tonë. Kërkoj me forcë që e gjithë klasa politike të largojë pa ekuivok individët e përfshirë në krim”.
Kjo ishte deklarata e Presidentit të Republikës, Bujar Nishani, gjatë konferencës “24 vjet partneritet strategjik Shqipëri-SHBA”, e mbajtur në përvjetorin e rivendosjes së marrëdhënieve me Shtetet e Bashkuara të Amerikës.
Presidenti i bëri thirrje edhe sistemit të drejtësisë që “të mos bjerë pre e presioneve të këtyre individëve, por të zbatojë me përpikëri ligjin”.
“Ne nuk duhet ta ndëshkojmë demokracinë, por ta ndihmojmë të rritet sipas modelit perëndimor”, theksoi Nishani.