Arkivoli që simbolizon qeverinë dhe dryni, mesazhi i protestuesve para dyerve të Jugohromit
Pas një tollovie që u krijua mes protestuesve dhe policisë e cila nuk lejoji që të vendoset dryni në shenjë simbolike në portën kryesore të fabrikës së Jugohromit, protestuesit u larguan mes fishkëllimave dhe brohoritjeve “ ju jeni vrasës”.
Protestuesit u larguan duke lënë pas edhe “arkivolin” që sipas organizatorëve simbolizon qeverinë e Maqedonisë e cila duke qëndruar indiferent ndaj ndotësit të madh sikur dëshiron të përcjellë mesazhin se për çdo qytetarët Tetovës do të sjellë nga një arkivol.
Kryetari i “EcoGuerilës”, Arianit Xhaferi, u bëri thirrje protestuesve që të mos konfrontohen me policinë sepse protesta do të vazhdojnë edhe në të ardhmen dhe çështja ballafaqohet edhe në Gjykatë.
Të organizuar me autobus dhe pankarta me moton “Tetova do ajër të pastër”, protestuesit kërkojnë mbylljen e kësaj fabrike.
13.25 Protestuesit qëndrojnë para dyerve të fabrikës duke fishkëllyer.
13.35 Duke brohoritur “Vrasës vendosni filtra” protestuesit në mënyrë simbolike bartën një arkivol dhe e vendosen para hyrjes së fabrikës.
Pasi qeveria ka vendosur t’i mbyllë sytë para kërkesave për mbylljen e Jugohromt protestuesit qëndruan disa minuta symbyllur para fabrikës. Kryetari i “EcoGuerila” Arianit Xhaferi tha se nuk jemi kundër punëtorëve por kërkojmë të vendosen filtra.
13:45 Tollovi para hyrjes të Jugohromit , policia nuk lejon vendosjen e drynit nga protestuesit
Tollovi para hyrjes të Jugohromit , policia nuk lejon vendosjen e drynit nga protestuesit
13.50 Protestuesit u larguan duke paralajmëruar vazhdimin e protestave dhe ballafaqimin në gjykatë.
Protestuesit u larguan dhe mbrapa lanë tymin që del nga oxhaqet e Jugohromit, duke krijuar një re të madhe mbi fshatin Jegunovc. Dielli duket i zbehtë përballë kësaj reje të zezë.