Bastiset gabimisht një shtëpi nga policia në Gostivar
Gjatë aksionit policor në Gostivar, është bastisur gabimisht shtëpia e një familjeje 6-anëtarëshe, në mesin e të cilëve edhe dy fëmijë të mitur, raporton Tv2.
Raportohet se kjo familje nuk kishte lidhje me të dyshuarit në kuadër të një aksioni të gjerë që ka nisur nga ora 3 e mëngjesit, në disa shtëpi dhe zyra noterësh, avokatësh dhe përmbaruesish në Gostivar.
Sipas njoftimeve fillestare të Policisë, aksioni ndërlidhet me arrestimin e anëtarëve të një grupi të madh kriminal i cili dyshohet se një kohë të gjatë në ka kryer vepra kriminale.