PLD: Askush nuk mund tu mohojë të rinjve të drejtën për të protestuar
Partia Liberal Demokrate ka dalë më një komunikatë me rastin e ditës ndërkombëtare të të drejtave të njeriut dhe të drejtës së studentëve dhe nxënësve për të protestuar.
Në komunikatë thuhet se sot është 10 dhjetori, dita ndërkombëtare e të drejtave të njeriut, slogani për 2014 është “respektim të të drejtave të njeriut për çdo 365 ditë të vitit”.
“PLD në përputhje me parimet e veta vlerëson se Maqedoni dhe subjektet e saja politike dhe institucionet e kanë të detyrueshëm që të respektojnë të drejtat e njeriut të të gjithë qytetarëve pavarësisht përkatësisë etnike, fetare, politike. Shteti është ai që duhet të mundësojë që qytetarët të ndihen të barabartë”, thuhet në komunikatën e LDP-së.
LDP përkrah mendimin autonom dhe kritik të të rinjve, si garanci më e mirë për të ardhmen demokratike të vendit. Sipas kësaj partie askush nuk ka të drejtë tu ndalojë të rinjve të kritikojnë, të kërkojnë, të protestojnë.