Ngrohja me dru mbetet alternative më e lirë për të kaluar dimrin

Ngrohja me dru mbetet alternative më e lirë për të kaluar dimrin për shumicën e amvisërive në Tetovë. Ndonëse nuk ka të dhëna të sakta për sa sa është numri i familjeve që shfrytëzojnë dru për ngrohje, nga shitja e sasive të druve mund të përllogaritet se mbi 80 për qind e familjeve në Tetovë shfrytëzojnë dru për ngrohje.

Shitja e druve nga viti në vit është gjithnjë edhe më i madh, për shkak se kostoja është dyfish me e vogël se shfrytëzimi i lëndëve tjera për ngrohje apo të energjisë elektrike. Shitësit e druve tek stadiumi i vjetër i Tetovës një ku me vit është përqendruar kjo veprimtari, thonë për Portalb se këtë vit krahasuar me vitin e kaluar shitja e druve është rritur afër 20 për qind më shumë.

Çmimet thuajse janë të pandryshuara si vitin e kaluara pavarësisht kërkesës më të madhe, ato lëvizin nga 40 deri në 50 euro për një metër dru.

Sezoni i ngrohjes zgjatë 6 muaj, ndërsa mesatarisht një familje harxhon 10 metër kub dru për gjithë sezonin.

“Pyjet e Maqedonisë”, gjatë viti shet 500 deri në 550 mijë metër kub dru për djegie dhe disponon 48 pika të shitjes së druve në gjithë Maqedoninë.