Rama premton rrugë turistike nga Varoshi deri në Plavë e Guci

Kryeministri i Shqipërisë u është përgjigjur me një tjetër status në Twitter, atyre që kur e postoi idenë për projektin e jugut, e pyetën se chfarë e ka në plan të bëjë në veri të vendit.

“Pas projektit të Vijes Bregdetare të Vlorës së shpejti konkursi për projektin e integruar Vija Bregdetare e Orikumit-Parku Kombëtar i Llogarasë”, njoftoi Rama në Twitter.
Më vonë, Kryeministri shtoi se “në shtator çelet dhe konkursi ndërkombëtar për bregun e Himarës së Re e për rehabilitimin e fshatrave të saj të bukur”, ndërsa në një postim të mëvonshëm shkroi: “Projekti RAB, një bazë për programin e ri të zhvillimit ekonomik të Himarës së Rilindur nga ndarja e re territoriale”.

Dikush i ka kujtuar Rrugën e Arbrit, të tjerë Shkodrën, Velipojën dhe Pogradecin.
Në mbrëmje, në orën 23:00, Kryeministri i ka lexuar shqetësimet e banorëve dhe iu është përgjigjur, duke i kujtuar se në muajin gusht nisi ndërtimi i rrugës turistike që të çon në Vermosh, duke u zotuar se do të ndërtohet aksi deri në Plavë dhe Guci.

“Pyesni pse projekte vetëm në bregun e Jugut? Jo jo, p.sh brenda gushtit nisim rrugën turistike për Vermosh e do ta çojmë deri në Plavë-Guci”, ka shkruar Rama.