Sot protesta për rastin “Monstra”
Sot në orën 13.45 , në vendtakimin e njëjtë- para kompleksit “Çairçanja” do të mbahet protesta kundër rastit Monstra.
Nga këshilli organizativ kundër rastit ”Monstra” thonë se rasti i gjykimit të 6 qytetarëve nga 3 vite burg dëshmon edhe një herë që kjo qeveri dëshiron ta ngulfat zërin e lirë të qytetarit, zë ky i garantuar me ligjet vendore dhe ndërkombëtare.
Nga këshilli ftojnë udhëheqësit e partive tjera politike shqiptare BDI, PDSH, RDK, si dhe kryetarët e komunave shqiptare, hoxhallarët, intelektualët, dhe të gjithë shqiptarët paqedashës, që ditën e premte të jenë pjesë e protestës mbarëkombëtare.