Teuta Arifi takohet me drejtuesin e Senatit kanadez Kinsela
Kryetarja e Tetovës Teuta Arifi u takua sot me drejtuesin e Senatit të Kanadasë, Noel Kinsela i shoqëruar nga ambasadori i Kanadës në Republikën e Maqedonisë, Roman Vashçuk dhe konsulin e nderit Zhivko Gruevski.
Gjatë takimit kryetarja Teuta Arifi informoi drejtuesin e Senatit kanadez për procesin e decentralizimit në Republikën e Maqedonisë, kompetencat ligjore të komunave në sfera të ndryshme si dhe sfidat me të cilat ballafaqohet komuna e Tetovës dhe vizionin për zhvillimin ekonomik dhe kulturor të qytetit.
Drejtuesi i Senatit të Kanadasë, Noel Kinsela tha se Kanadja është e interesuar për ndërtimin e urave të miqësisë dhe investimin në ngritjen e kapaciteteve për punësim të të rinjve në kuadër të trendeve aktuale të mobilitetit global dhe theksoi interesin e Kanadasë për marrjen e përvojave të funksionimit të shoqërisë shumë etnike dhe shumë kulturore të Republikës së Maqedonisë.
