Blatter flet për dënimin e Suarez

Presidenti i FIFA, Sepp Blatter, e ka mbështetur vendimin e komisionit të FIFA, për dënimin e Luis Suarez nga çdo aktivitet i futbollit për katër muaj.

Sulmuesi i Uruguajit, u dënua pasi e kafshoi mbrojtësin e Italisë, Giorgio Chiellin, në ndeshjen e Kupës së Botës në mes Italisë dhe Uruguajit.

“Si futbollist, mendoj se dënimi është shumë i rëndë. Por si president i FIFA, më duhet të pranoj se komisioni e ka dhënë një vendim,” deklaroi Blatter.