Mëngjesin e sotëm tërmet i ri në Shtip
Një tërmet i ri me magnitudë lokale të Rihterit ML2.3 dhe intensitet III gradë sipas shkallës makrosizmike evropiane është regjistruar mëngjesin e sotëm në orën 04:22 74 kilometra në juglindje të Shkupit, me epiqendër në Shën Nikollë- Shtip. Tërmeti është ndjerë nga popullata e Shtipit dhe rrethinës, njoftoi Observatori sizmologjik në Shkup, transmeton Portalb.mk.
“Rrjeti telemetrik sizmologjik i Republikës së Maqedonisë së Veriut, në stacionet sizmologjike të instaluara në të gjithë territorin tonë, mëngjesin e sotëm herët, më 19.04.2023, ka regjistruar tërmet 74 km në juglindje të Shkupit, me origjinë nga zona epiqendrore e Shën Nikollë – Shtip”, thuhet në njoftimin e Observatorit Sizmologjik.
