Zgjedhje në Finlandë, garë me 3 drejtime
Finlandezët do të shkojnë në votime në një zgjedhje që shihet si një garë thuajse kokë e kokë mes populistëve të krahut të djathtë, konservatorëve dhe qendrës së majtë të kryeministres Sanna Marin, raporton Klan.
Finlandezët do bëjnë një zgjedhje të madhe për drejtimin e ardhshëm të vendit të tyre.
Qendrat e votimit u hapën në orën 09:00 dhe mbyllen në orën 20:00, kur do të publikohen rezultatet e rreth 1.7 milionë votave përpara.
Sfida kryesore për socialdemokratët e Sanna Marin vjen nga e djathta.
Pas katër vitesh opozitë, Partia Konservatore e Koalicionit Kombëtar të Petteri Orpos ka shpresa të mëdha për të formuar një koalicion, por ky mund të jetë gjithashtu shansi më i mirë i Partisë populiste finlandeze për të udhëhequr një qeveri ende.
Kur Marin, taniMë 37 vjeç, doli në skenë 4 vjet më parë, ajo ishte kryeministrja më e re në botë në krye të një koalicioni prej pesë partish, të gjitha të udhëhequra nga gra.
Edhe pse vlerësimet e saj në sondazh janë ende të larta, ajo shihet si një figurë polarizuese dhe u vu përballë kritikave të ashpra verën e kaluar kur u shfaq një video e saj duke kënduar, kërcyer dhe pirë në një festë.
