Rritje e çmimeve të produkteve bujqësore në Maqedoninë e Veriut
Në Maqedoninë e Veriut për një vit janë rritur çmimet e produkteve bujqësore për 12.3 për qind, ndërkohë u regjistrua edhe rritje e shpenzimeve në bujqësi. Te prodhimet bimore kemi rritje për 8.3 për qind, ndërsa te prodhimet shtazore për 23.4 për qind, transmeton Portalb.mk.
“Indeksi i çmimeve në bujqësi gjatë muajit dhjetor të vitit 2022, krahasuar me periudhën e njëjtë nga viti paraprak, tek inputi është rritur për 13.3 %, ndërsa tek autputi rritja është për 12.3 %”, raportoi Enti Shtetëror i Statistikave.
Enti sqaroi që mjetet e shpenzuara në bujqësi janë rritur për 13.5 për qind brenda vitit, ndërsa mjetet e dedikuara për investime në bujqësi janë rritur për 11.7 për qind.
Te inputi kemi rritjen e çmimit për 80.1 për qind te energjia, ndërsa 67.4 për qind te plehrat minerale. Te outputi kemi rritje më të madhe te drithërat dhe orizi me 38.9 për qind.
