Hetimet për shkaqet e zjarrit në fabrikën “Pofix” nuk kanë nisur pasi ekspertët janë në pritje të ekspertizës

Edhe pse kanë kaluar 6 javë nga zjarri i madh që ra në fabrikën e Tetovës “Pofix”, Prokuroria Publike ende nuk ka nisur hetimet. Nga atje thonë se për momentin është përgatitur vetëm raport, por për hapjen e rastit, konstatimet e ekspertizës duhet të merren nga MPB-ja dhe Fakulteti i Elektroteknikës, shkruan SDK, transmeton Portalb.mk.

“Më e rëndësishmja është ekspertiza nga Departamenti i Krim- Teknikës të Ministrisë së Punëve të Brendshme. Me të do të marrim përgjigje nëse instalimi elektrik në vetë objektin është instaluar siç duhet, sipas rregulloreve ligjore. Nëse nuk ka rrjedhje, atëherë mund ta mbyllim zjarrin si aksident. Brenda ka pasur shumë kamera nga të cilat shihet deri diku se ku ka rënë zjarri, por ekspertët do ta shpjegojnë shumë më mirë në ekspertizë”, njofton Prokuroria Publike.

Prokuroria thotë se hetimi nuk zvarritet, por bëhet fjalë për ekspertizë të gjerë në të cilën do të shqyrtohet i gjithë dokumentacioni nga fabrika lidhur me materialin dëshmues.

Në zjarrin që shpërtheu në fabrikën e materialit ndërtimor dhe stiroporit “Pofix” në Tetovë, u dogjën më shumë se 7 mijë metra katrorë hapësirë ​​depo, e cila përmbante sasi të mëdha stiropor dhe material tjetër ndërtimor. Tetova për disa ditë u mbulua nga tymi i zi dhe i dendur dhe përqendrimi i grimcave të dëmshme në ajër ishte shumë i lartë.

• LEXO: Nuk dihen ende shkaqet e zjarrit në fabrikën e Tetovës
• LEXO: Filloi hetimi për zjarrin që ndodhi në Tetovë
• LEXO: Zjarri në Tetovë, ministri Nuredini thotë se cilësia e ajrit është në kuadër të normales, pronari i Pofix: 12 milionë euro humbje
• LEXO: Zjarri në Tetovë, vazhdon të dobësohet intensiteti i zjarrit, ndërkohë Armata dhe Ministria sqarojnë që ajri nuk është në gjendje kritike (VIDEO)