Mbrëmë u mbajt gjysmëfinalja e natës së parë të Eurovizionit, në finale u kualifikuan 10 shtete (VIDEO)
Duke e hapur edicionin e 66-të të Eurosong-ut, mbrëmë u mbajt gjysmëfinalja e natës së parë, ku u prezantuan 17 këngë nga vende të ndryshme në skenën e “Pala Olimpico” në Torino të Italisë, shkruan Portalb.mk.
Nikoqirët e kësaj mbrëmje ishin Mika, Laura Pausini dhe Alessandro Cattelano, të cilët bënë një atmosferë shumë mikëpritëse.
Mbrëmë u kualifikuan vetëm 10 shtete për në finale dhe fatkeqësisht Shqipëria nuk ishte ndër to. Në finale do t’i shohim:
Zvicrën: Marius Bear – “Boys Do Cry”
Armeninë: Rosa Linn – “Snap”
Islandën: Systur – “Með hækkandi sól”
Lituaninë: Monika Liu – “Sentimentai”
Portugalinë: MARO – “saudade, saudade”
Norvegjinë: Subwoolfer – “Jepini atij ujku një banane”
Greqinë: Amanda Tenfjord – “Die Together”
Ukrainën: Orkestra Kalush – “Stefania”
Moldavinë: Vëllezërit Zdob dhe Zdub dhe Advahov – “Trenulețul”
Holandën: S10 – “De Diepte”
Përveç këtyre, paraprakisht janë kualifikuar për finalen e madhe këto pesë shtete: Franca, Gjermania, Italia, Spanja dhe Mbretëria e Bashkuar.
Gjysmëfinalja e dytë do të mbahet të enjten në ora 21:00 ku do të këndojë edhe Maqedonia e Veriut. Ndërsa të shtunën në ora 21:00 do të jetë finalja e madhe.
