Në Maqedoninë e Veriut çmimet e produkteve industriale kanë shënuar rritje për 15 % prej shkurtit të vitit të kaluar
Në shkurt të këtij vitit është regjistruar rritje e çmimeve te produktet industriale për 15.7 përqind në krahasim me shkurtin e vitit të kaluar, transmeton Portalb.mk.
“Gjatë muajit shkurt 2022, Indeksi i çmimeve të shitjes së prodhuesve të prodhimeve industriale – totali, janë më të larta për 0.8 % në nivel mujor dhe për 15.7 % në nivel vjetor”, bëjnë të ditur nga Enti Shtetëror i Statistikave.
Raportohet që rritje më e theksuar është regjistruar në sektorin e furnizimeve me energji elektrike, gaz, avull dhe ajër të kondicionuar për 44 %, ndërsa në miniera dhe gurorë për 17.6 përqind.