Aleanca Maqedonase, synon një vend në Parlamentin e Shqipërisë

Aleanca Maqedonase për Integrim Evropian, siç njoftojnë mediumet në gjuhën maqedonase, sonte në sheshin Goce Dellçev të Pustecit do të mbajë mitingun e fundit parazgjedhor. Kandidatja për deputete që ka marrë besimin e kësaj partie Valentina, Nestor synon që të ulet në karrigen e parlamentit  shqiptarë.

Partia Aleanca Maqedonase për Integrim Evropian, është në koalicion me partinë  e kryeministrit Berisha, nga e cila ka marrë premtimin për ndërtimin e rrugës për në Pustec dhe në fshatin Goricë e epërme.

 Berisha, ndërkaq në shkëmbim të përkrahjes së partisë së tij, sipas kësaj partie, ka premtuar botimin në maqedonisht të teksteve shkollore, të cilat nxënësit i mësojnë në gjuhën amtare, si dhe ndjekjen e mësimit në maqedonisht në Trebishtë dhe Gollobërdë.

Partia Aleanca Maqedonase për Integrim Evropian, do të kandidojë me 86 kandidatë për deputetë, shkruajnë mediat në gjuhën maqedonase.