Kina lansoi 3 satelitë të rinj për të studiuar ‘mjedisin hapësinor’
Kina lansoi sot tre satelitë të rinj në hapësirë për të kryer hulumtime shkencore të mjedisit hapësinor dhe korrigjimin e modeleve, raportuan mediat shtetërore, transmeton Anadolu Agency (AA).
Raketa bartëse Long March-11 u hodh në hapësirë me satelitët nga qendra e lansimit satelitor Jiuquan në veriperëndim të Kinës, duke hyrë së shpejti në orbitën e tyre të planifikuar.
Tre satelitët, Tianping-2A, Tianping-2B dhe Tianping-2C, do të ofrojnë shërbime të tilla si studimi i mjedisit të hapësirës atmosferike dhe korrigjimi i modelit të parashikimit orbital, raportoi “Xinhua News”.
Ky ishte misioni i tetë hapësinor i Kinës këtë vit.
Me lansimin e fundit, seria e raketave Long March shënoi misionin e saj të 413-të.
Të martën, Kina lansoi për herë të parë variantin e ri të serisë së saj të raketave Long March.
Korporata kineze e Shkencës së Aviacionit dhe Teknologjisë tha se raketa bartëse 50 metra e gjatë Long March 6A u hodh në hapësirë nga qendra e lansimit satelitor Taiyuan në provincën veriore Shanxi.
Raketa barti dy satelitë, Pujiang 2 dhe Tiankun 2, në orbitë.