Në shkollat e Maqedonisë së Veriut do të ketë libra të shtypur, por nuk përjashtohen ato digjitale, vlerësoi ministri

Ministri për arsim dhe shkencë në Maqedoninë e Veriut, Jeton Shaqiri, theksoi nevojën dhe rëndësinë për librat e shtypur dhe digjital, transmeton Portalb.mk.

“Versioni i printuar i teksteve sipas Ligjit ekzistues për tekstet shkollore në arsimin fillor dhe të mesëm është i domosdoshëm në mësimdhënie, por nuk e përjashton rëndësinë e formës digjitale”, deklarojnë nga Ministria.

Ministria sqaroi që sot u mbajt mbledhja e parë e Komisionit nacional për tekstet shkollore e themeluar nga Qeveria, ndërsa ministri Jeton Shaqiri premtoi që do të jetë konstruktiv.