Mjekët amë nesër protestojnë, do të punojnë vetëm me rastet urgjente
Mjekët amë të vendit nesër do të protestojnë, shkak për këtë sipas tyre janë kërkesat e paplotësuara të tyre dhe shtojnë se do të punojnë vetëm me rastet urgjente, nuk do të shfrytëzojnë sistemin “Termini im”, transmeton Portalb.mk.
Revolta e mjekëve amë, e cila nesër do të kthehet në protestë, siç thonë nga Shoqata e Mjekëve Privatë, vjen për shkak të kërkesave të të paplotësuara që kanë.
“Për një kohë të gjatë askush nuk iu përgjigj thirrjeve tona. Nëse infermierët largohen nga qytetet e vogla, nuk do të ketë ekipe – nëse nuk ka ekipe, nuk ka ambulanca. Është në dëm të popullit”, thonë nga Shoqata e Mjekëve Privatë në vend.
Ata theksojnë se nevojiten disa reforma që stafi mjekësor të jetë i kënaqur.
Ndryshe, kjo protestë është e mjekëve amë nga vendbanimet më të vogla me numër të vogël pacientësh të cilët rrezikojnë të mbyllen. Në shëndetësinë private, numri i mjekëve nga 1.800 është reduktuar në 1.436.