Pyetje pa përgjigje nga komunat: Sa drunj do të mbjellin për të parandaluar ndryshimet klimatike
Një nga çështjet më të ngutshme në botë nuk është vetëm se deri në çfarë mase vendet me planet e tyre kombëtare të aksionale për klimën do të mund të reduktojnë emetimet e gazeve serrë, por edhe deri në çfarë mase autoritet lokale dhe palët e tjera të interesuara në shoqëri do t’i bashkohen autoriteteve qeveritare në ndalimin ngrohjes globale dhe respektimin e Paktit klimatik nga Glasgou dhe Marrëveshjen e Parisit për ndryshimet klimatike, shkruan Meta.mk, transmeton Portalb.mk.
Për të kontribuar në luftën kundër ndryshimeve klimatike, autoritetet lokale në Paris njoftuan këtë vjeshtë se kanë plan të detajuar për mbjelljen e drunjve të rinj në kryeqytetin francez. Deri në vitin 2026, në Paris do të mbillen 170.000 drunj në çdo vend të mundshëm ku ka hapësirë për këtë qëllim, nga parqet, sheshet dhe rrugët ekzistuese, deri te autostradat urbane rreth kryeqytetit francez.
Përveç kësaj, autoritetet lokale të Parisit u zotuan para opinionir që të vazhdojnë të kujdesen për 200.000 drunjtë ekzistuese që ndodhen në territorin e tyre. Që nga viti 2014, ekziston sistemi i automatizuar i Fondit të drunjve të Parisit, i cili monitoron çdo vit gjendjen e çdo druri në qytet, bazuar në identifikimin digjital të këtij thesari natyror.
Duke ndjekur këtë shembull pozitiv, qytetet e tjera evropiane po konkurrojnë me njëri-tjetrin për të bërë plan më ambicioz për rritjen e hapësirave të gjelbra në territoret e tyre, me qëllim që të kontribuojnë në uljen e ndikimit të ndryshimeve klimatike.
Pemët thithin vetëm gazrat e dëmshëm që lëshohen në atmosferë. Ndaj Agjencia e lajmeve Meta vendosi të pyesë disa prej autoriteteve komunale nga qytetet më të mëdha të vendit se çfarë planifikojnë të marrin si kontribut për mbjelljen e drunjve të rinj dhe mirëmbajtjen e fondit ekzistues të drunjve që disponojnë.
Pyetjet janë dërguar më 15 nëntor në Qytetin e Shkupit, Komunën e Manastirit dhe Komunës së Kumanovës, kurse përgjigje morën vetëm nga autoritetet lokale të Manastirit. Përpjekje për të rënë në kontakt janë bërë edhe përmes telefonit me Qytetin e Shkupit dhe Komunën e Kumanovës, por përkundër premtimeve për përgjigje, nuk është arrirë të zbulohet se sa drunj do të mbillen nga ana e tyre në 4 vitet e ardhshme.
Gjithashtu, nga Qyteti i Shkupit nuk dhanë përgjigje nëse dhe kur planifikojnë të përmirësojnë Kadastrën e gjelbër ekzistuese, por edhe nëse është e mundur që kryeqyteti të marrë identifikim digjital për fondin e drunjve, gjë që do të përmirësonte njohuritë për gjendjen e drunjve ekzistues në territorin e saj.
Nga Komuna e Kumanovës, nga ana tjetër, nuk janë përgjigjur në pyetjen nëse dhe kur planifikojnë të fillojnë regjistrimin e drunjve në territorin e komunës më të madhe në vend, ndërsa nuk u kuptua se sa drunj planifikojnë të mbjellin në periudhën deri në vitin 2025.
Nga Komuna e Manastirit për Metën thonë se janë në fazën e prokurimit publik për përgatitjen e Kadastrës së gjelbër, e cila do të bëjë inventarizimin e drunjve në territorin e komunës së tyre.
Synimi i vetëqeverisjes së re lokale në Manastir është që në 4 vitet e ardhshme të zgjerojë sipërfaqet e gjelbra, veçanërisht në periferi dhe kodrat përreth, si: Bilbil Kamen, Kërkardash dhe vende të tjera. Aksionet për mbjelljen e drunjve do të realizoheshin në bashkëpunim me ndërmarrjet “Komunalec”, “Pyjet e Maqedonisë”, donatorë dhe shoqata qytetare.
“Për momentin po përgatiten edhe draft programet dhe projektbuxheti, të cilat duhet të miratohen nga Këshilli i Komunës së Manastirit dhe të zbatohen në periudhën e ardhshme. Gjatë përgatitjes së dokumentacionit, pikënisje bazë është gjendja e mjedisit jetësor, kërkesat e qytetarëve, por edhe obligimet që burojnë nga dokumentet strategjike të miratuara në nivel lokal apo qendror”, thonë nga Komuna e Manastirit.
Vitin e ardhshëm do të ketë masa edhe në fushën e pyllëzimit, si dhe masa të tjera që kanë të bëjnë me ndryshimet klimatike dhe mjedisin jetësor, premtojnë autoritetet komunale të Manastirit.
Përndryshe, në Konferencën e OKB-së për Ndryshimet Klimatike (COP 26), të mbajtur në Glasgow në nëntor, më shumë se 100 liderë botërorë, përfshirë Brazilin, territori i së cilës ndodhet Amazona, ranë dakord të parandalojnë shpyllëzimin deri në vitin 2030, por edhe se do të marrin masa për të riparuar dëmet ekzistuese duke rivendosur gjendjen e mëparshme me fondin pyjor. Përveç kësaj, 19.2 miliardë dollarë u janë dhënë vendeve në zhvillim në COP 26 për të parandaluar shpyllëzimin.