Fotot e rralla nga D-Day, zbarkimi i Aleatëve në Francë (FOTO)

Më 6 qershor të 1944 nisi zbarkimi i aleatëve në Normandi, në veri-perëndim të Francës në atë që njihet se D-Day ose fillimi i fundit të luftës në Europë.

Trupat amerikane, britanike dhe kanadeze mësynë kanalin e Le Manshit për të zbarkuar në tokën franceze të pushtuar nga nazistët. Nisja e operacionit do të regjistronte një ndër betejat më të ashpra dhe më shkatërrimtare të Luftës së Dytë Botërore.

Sot, në 69-vjetorin e zbarkimit të aleatëve janë publikuar për herë të parë një seri fotosh me ngjyra të papublikuara më parë që tregojnë qartë shkatërrimin e lënë pas nga bombardimet e aleatëve në qytetet dhe zonat e tjera të banuara në brigjet perëndimore franceze.