“E dua Vodnon”, kërkon garanci nga Arsovska dhe Shilegovi se do ta mbrojnë Vodnon
Shoqata qytetare “E dua Vodnon” u ka dërguar kërkesë kandidatëve për kryetar të Shkupit, Petre Shilegov dhe Danela Arsovska, që të japin garanci se synimet e tyre për ta mbrojtur Vodnon janë të sinqerta, përcjell Portalb.mk.
“Vodno çdo ditë është më afër e afër betonizimit të së ardhmes. Nëse vërtet janë të sinqertë në premtimet për Vodnon, kandidatët për kryetar të Shkupit duhet të tregojnë se janë të gatshëm dhe t’i përmbushin ato. A nuk është ashtu Kështu, vetëm dy ditë para heshtjes për zgjedhjen e kryetarit të ri, u bëjmë thirrje kandidatëve Petre Shilegov dhe Danela Arsovska që jo vetëm të angazhohen, por edhe të bëjnë një hap më tej drejt Vodnos si garanci se synimet e tyre për VODNO VËRTETË DHE PLOTËSISHT TË MBROJTUR janë të sinqerta”, thonë nga Shoqata.
Përpjekjet dhe apelet për sjelljen e mbrojtjes së përgjithshme dhe funksionale të Vodnos nga ekspertët më të lartë dhe të dëshmuar të pylltarisë, hidrologjisë, inxhinierisë, planifikimit hapësinor, institucioneve kyçe shtetërore, profesorëve të shquar dhe mbi 32 organizatave të shoqërisë civile, nuk arritën të pengojnë vendimin që i hap dyert për urbanizimin dhe shkatërrimin e shpejtë të malit, theksojnë Shoqata dhe shtojnë se megjithatë, së bashku arritën të luftojnë për një shkëndijë të vogël shpëtimi, duke e zhvendosur peshën te Qyteti. Por ata thonë se nevojitet një reagim i menjëhershëm dhe i shpejtë ndaj kujtdo që fiton garën për kryetar komune.
Prandaj ju thërrasim, Danela dhe Shilegov, sepse vetëm përkushtimi juaj i sinqertë mund të jetë mbi këtë Vendim. Nëse e doni qytetin, do të keni mundësinë të hidhni një hap që Vodno të shpëtohet, dhe kështu qyteti të mbrohet. “Përndryshe do të humbasim Vodno”, thonë aktivistët.
Çfarë duhet të bëjë qyteti?
Në thirrjen drejtuar dy kandidatëve, “E dua Vodnon” rendit tre pika në të cilat shpjegon se çfarë duhet të bëjë qyteti për të garantuar mbrojtjen e Vodnos:
- Të fillojë urgjentisht përgatitja e Planit Hapësinor të Vodnos si hapësirë me interes të veçantë! Kjo do të mundësojë ZONIM adekuat të Vodnos, në kundërshtim me atë që është paraparë në Vendim.
- Plani t’i jepet ta hartoj Agjencia për Planifikim Hapësinor, ku ekspertiza nëpërmjet metodologjive të përcaktuara në mënyrë strikte do të përputhet me të gjitha kuptimet dhe vlerat e Vodnos dhe do të imponojë regjim mbrojtës për secilën Zonë të paraparë.
- Paralelisht të iniciohet procedura për miratimin e LIGJIT TË VEÇANTË PËR VODNON në Kuvend. Ky lex specialis do të garantojë zonimin e duhur të të gjithë territorit të Vodnos, regjimin e duhur të mbrojtjes dhe do të ngrijë të gjitha aktivitetet e mundshme dhe miratimin e planeve të tjera, përfshirë Planin e Menaxhimit dhe planet urbanistike apo projektet, deri në miratimin e një plani hapësinor , si një plan i rendit më të lartë.
Çfarë presim si garanci?
“Presim një draft-version të ligjit special. Presim që të njihemi me mundësitë, hapat e nevojshëm dhe resurset (koha dhe paratë) e domosdoshme që Agjencia të fillojë procedurën për Planin Hapësinor të Vodnos. Ndoshta ju tashmë keni Propozim-ligj? Apo jeni takuar me Agjencinë dhe i keni dërguar një kërkesë? Apo diçka tjetër?”, thonë aktivistët dhe u bëjnë thirrje Shilegovit dhe Arsovskës që të tregojnë synimet e tyre të sinqerta.
Bëni një lëvizje e cila do ta ndihmojë që Vodno të mos jetë vetëm një e kaluar e mirë për ne, por të jetë mbrojtje e vërtetë e qytetit dhe banorëve të tij. Urdhëroni, dëshmoni se mund ta bëni atë… Vodno është diçka që askush nuk guxon ta tradhtojë”, theksojnë nga “E dua Vodnon”.
