Ambasadorët Galloway dhe Geer kanë shprehur ngushëllime për viktimat në tragjedinë në Tetovë
Tragjedia që ndodhi mbrëmë në Tetovë, zjarri në qendrën kovid dhe vdekja e më së paku 14 personave, është tema kryesore e rajonit, ndërsa ngushëllimet për qytetarët vijnë nga të gjitha anët. Ambasadori i Bashkimit Evropian në shtet, David Geer, ka shkruar se mendimet e tyre janë me qytetarët e Tetovës, transmeton Portalb.mk.
“Mendimet tona këtë mëngjes janë me njerëzit në Tetovë, pas zjarrit tragjik në spitalin modular. Ngushëllime të sinqerta familjeve dhe miqve të atyre që kanë humbur jetën e tyre dhe uratat më të mira për shpëtim të shpejtë të të lënduarve”, ka shkruar Geer në Twitter.
Our thoughts are with the people of Tetovo this morning following the tragic fire at the modular hospital. Sincere condolences to the families and friends of those who have lost their lives and best wishes for a speedy recovery for the injured.
— EU Ambassador David Geer (@AmbassadorEU) September 9, 2021
Ambasadorja britanike Rachel Galloway gjithashtu ka shprehur ngushëllime në Twitter.
“Mendimet e mia janë me njerëzit nga Tetova dhe viktimat e zjarrit tragjik që përfshiu qendrën kovid. Kjo ngjarje katastrofale ka ndodhur gjatë kohës kur njerëzit kanë qenë më së shumti në nevojë. Ngushëllime atyre të cilët kanë humbur më të afërmit”, ka shkruar Galloway në Twitter.
My thoughts are with the people of #Tetovo and victims of the tragic fire that took over the COVID centre in the city. This devastating event comes at a time when people are most in need. My condolences to those that have lost loved ones.
— Amb Rachel Galloway (@RGallowayUK) September 8, 2021
