Në Kosovë u regjistrua numri më i lartë i viktimave që nga fillimi i pandemisë, 36 të vdekur
Ministria e Shëndetësisë e Kosovës njoftoi se sot u regjistrua numri më i lartë i viktimave që nga fillimi I pandemisë, ku 36 persona ndërruan jetë kurse u regjistruan 1.630 raste të reja nga 11.017 testime të kryera. Në 24 orët e fundit janë shëruar 816 pacientë, kurse numri i rasteve aktive është 26.575, transmeton Portalb.mk.
Autoritetet qeveritare e kanë cilësuar si të rëndë situatën me pandeminë në Kosovë dhe dje, Qeveria e Kosovës njoftoi për masa të reja kundër pandemisë.
Ndërkaq, sa i përket fushatës së vaksinimit, MSH-ja njofton se brenda një dite janë administruar 11.458 doza.
Në total, Kosova ka aplikuar 808.078 doza të vaksinës, ku 269.312 persona janë vaksinuar me të dyja dozat.