Komiteti i Helsinkit: Kufizimet ndaj njerëzve të pavaksinuar nuk janë as diskriminim dhe as jokushtetues
Komiteti i Helsinkit për të Drejtat e Njeriut reagon me shqetësim ndaj deklaratave dhe mesazheve të dërguara gjatë protestave të djeshme kundër vaksinimit dhe masave për mbrojtëse kundër përhapjes së koronavirusit, njofton Portalb.mk.
“Komiteti gjithmonë mbështet të drejtën për të protestuar dhe shprehjen e lirë të mendimit, por në të njëjtën kohë, gjithmonë duhet të ketë edhe vetëdije se qytetarët, përveç të drejtave të garantuara me kushtetutë, kanë edhe detyra të rregulluara me kushtetutë. Në këtë drejtim, përkujtojmë nenin 39 të Kushtetutës së Republikës së Maqedonisë së Veriut, sipas të cilit qytetari ka të drejtë dhe detyrë ta mbrojë dhe promovojë shëndetin e tij, por edhe shëndetin e të tjerëve. Pikërisht për këtë arsye, ndalimet në rast të refuzimit të vaksinimit në asnjë moment nuk mund të sillen nën dyshin se janë bazë për diskriminim ose në kundërshtim me Kushtetutën dhe të drejtat dhe liritë themelore të njeriut”, thonë nga KH.
Ata shtojnë se pandemia kovid-19 e ka vështirësuar funksionimin normal në të gjithë botën, dhe masat kufizuese, të cilat janë pjesë përbërëse e trajtimit të krizës shëndetësore, kanë kufizuar të drejtën e lëvizjes, ndërsa kanë ndërhyrë edhe në të drejta të tjera të njeriut.
“Megjithatë, duke e pasur parasysh faktin se pandemia mund të vihet nën kontroll vetëm përmes një shkalle të lartë të imunizimit dhe respektimit të protokolleve shëndetësore, bëjmë thirrje për ndërgjegjësim dhe përgjegjësi më të lartë qytetare ndaj këtyre çështjeve. Fatkeqësisht, siç pamë në protestat e djeshme në disa qytete në të gjithë vendin, pandemia paralele e lajmeve të rreme dhe dezinformatave paraqet një rrezik të madh që e dëmton përballjen me krizën më të madhe shëndetësore të kohës sonë. U bëjmë thirrje qytetarëve që të informohen nga burimet përkatëse, bazuar në njohuritë dhe rekomandimet shkencore dhe të refuzojnë informacionet që bazohen në gënjeshtra dhe teori konspirative. Në të njëjtën kohë, u bëjmë thirrje të gjithë aktorëve shoqërorë të pranishëm në jetën publike që të jenë të vetëdijshëm për nevojën e një qasjeje të përgjegjshme dhe racionale për të luftuar pandeminë dhe të mos inkurajojnë tregime të tilla, të cilat jo vetëm që janë të dëmshme për shëndetin publik, por gjithashtu çojnë në polarizimi i mëtejshëm shoqëror, i cili është veçanërisht i rrezikshëm në një krizë të këtyre përmasave”, shtojnë nga KH.
Gjithashtu i ata dënojnë ashpër fyerjet dhe poshtërimet drejtuar mjekëve dhe në të njëjtën kohë paralajmërojnë për rrezikun e sulmeve të mundshme fizike të filluara nga ky qëndrim.
“Që nga fillimi i pandemisë, profesionistët e shëndetit kanë qenë në pararojë të luftës, dhe pavarësisht nga rreziqet personale me të cilat përballen, ata në vazhdimësi dhe me profesionalizëm e kanë kryer punën e tyre dhe kanë shpëtuar jetë të njerëzve”, thonë nga KH.
- LEXO: Protesta e mbrëmshme, Oda e Mjekëve: Të ndërpritet gjuha e urrejtjes kundër mjekëve, është vepër penale
- LEXO: Mjekët e rinj kërkuan nga shteti t’i mbrojë nga antivakserët të cilët në Shkup brohorisnin se mjekët janë vrasës
- LEXO: “Ku shërohen këta njerëz që thonë se mjekët janë vrasës?”, reagojnë mjekët pas protestës kundër masave të reja dhe vaksinave
Ndryshe, derisa e tërë bota po lufton me COVID-19 dhe në ndërkohë ka rritje dramatike të rasteve dhe vdekjeve, mbrëmë në Shkup, u mbajt protestë para Kuvendit dhe Qeverisë së Maqedonisë së Veriut kundër vaksinimit dhe masave të reja restriktive kundër COVID-19 të cilat sot hyjnë në fuqi për ta parandaluar shpërndarjen e virusit.
Protestuesit nuk i respektuan masat anti-Covid të cilat janë në fuqi, gjegjësisht asnjëri nuk mbante maska e distancë. Në qoftë se qytetarët do të vepronin në këtë mënyrë, autoritetet e rendit do t’i gjobisnin.
Njerëzit që mbanin fjalime para turmës që ndodhej para Kuvendit, dhanë komente të tilla si “s’ka virus”. Reagimi i turmës ndaj këtyre deklaratave ishte përshëndetës dhe pritej me ulërima dhe duartrokitje.
Në ndërkohë, turma dërgonte dhe porosi si “Vrasës”, “liri”, “Shko Zaev”, që nuk kishin të bëjnë me protestën, të tilla si “Asnjëherë e Veriut, vetëm Maqedonia”, “Maqedonia”, por edhe me përmbajtje skandaloze si “mjekët janë vrasës”, si dhe ofenduese si “Filipçe pederast”. Para Qeverisë, turma i dogji maskat mbrojtëse.
Protesta vjen në kohën që në mënyrë drastike janë rritur numrat ditor të të infektuarve me COVID-19 dhe kur autoritetet vazhdimisht bëjnë thirrje për respektim të masave anti-Covid dhe vaksinim të popullatës.
Vetëm në 24 orët e fundit janë regjistruar 805 raste të reja me COVID-19 dhe 10 të tjerë kanë vdekur.
