QZhRP: punimet ndërtimore për rehabilitimin e deponisë Rusino janë duke u kryer në përputhje me planin dinamik
Qendra për Zhvillimin e Rajonit Planor të Pollogut (QZhRP) informon se punimet ndërtimore për zbatimin e masave të shpejta për rehabilitimin e deponisë Rusino janë duke u kryer në përputhje me planin dinamik, transmeton Portalb.mk.
Në kumtesën e QZhRP thuhet se deri më tani kanë përfunduar punët përgatitore, është vendosur peshorja për matjen e sasisë së mbeturinave ndërsa në vijim e sipër është ndërtimi i argjinaturave dhe krijimi i sistemit për qarkullimin e ujërave të zeza. Sipas planit dinamik, punimet ndërtimore pritet të përfundojnë në fund të muajit gusht 2021. Me përfundimin e këtij procesi më në fund do të parandalohet degradimi i mjedisit i shkaktuar nga zjarret e pakontrolluara dhe rrjedhja e ujërave të zeza nga mbetjet e depozituara.
Deponia do të menaxhohet nga Ndërmarrja e Përbashkët Publike Rusino/Pollog.
“Procesi i themelimit të kësaj ndërmarrje është përfunduar. Është duke u zhvilluar një procedurë për grumbullimin e detyrimeve financiare që nëntë komunat e Rajonit të Pollogut i kanë marrë si obligim për mbulimin e investimit fillestar, i cili është një parakusht që ndërmarrja të fillojë të punësojë personelin dhe të krijojë një sistem për funksionimin dhe kontrollin e deponisë”, thanë nga QZhRP.
Sipas QZhRP, Komuna e Tetovës, Gostivarit, Bogovinës, Tearcës, Zhelinës dhe Jegunovcës muajin e kaluar i kanë shlyer detyrimet e tyre, ndërsa komunat e Bërvenicës, Vrapçishtit dhe Mavrovës dhe Rostushes ende nuk kanë i kanë transferuar mjetet financiare, e cila në fakt krijon pengesë që ndërmarrja të vazhdojë funksionimin në bazë të programit të planifikuar.
Portalb.mk javën e kaluar raportoi për problemet me mbeturinat dhe krijimin e deponive të egra në rajonin e Pollogut si pasojë e mungesës së deponisë rajonale si dhe për punimet e deponisë “Rusino-Pollog”
- LEXO: Në hyrje të fshatit Odër assesi të pastrohen mbeturinat, Komuna e Tearcës arsyetohet me mungesën e deponisë rajonale (VIDEO)
- LEXO: Bllokada në deponinë Rusino do të zgjasë edhe dhjetë ditë
- LEXO: Tejsing: Deponia “Rusino” është një e keqe e madhe për ambientin jetësor, urgjentisht të ndërmerren masa për përmirësimin e kushteve
- LEXO: Taravari dhe Arifi me qëndrime kontradiktore për deponinë Rusino
- LEXO: Kaloi afati i paraparë për rregullimin e deponisë “Rusino”, kur do të fillohet me punë?
- LEXO: Deponia Rusino është djegur për gjithë natën dhe ka helmuar Pollogun
- LEXO: Deponia “Rusino”: Nuredini dha urdhër për zbatimin e masave të shpejta, në vijim faza e dytë
- LEXO: RMV, Inspektorati do të mbikëqyrë riparimin e deponisë Rusino që do të fillojë në mars
- LEXO: Marrëveshja për deponinë “Rusino” u arrit, bllokada ngelet, çfarë më tej?
- LEXO: Është arritur marrëveshje për dhënien e lejes ndërtimore nga komuna e Gostivarit për për sanimin e Rusinos