Lustrohen edhe tre bashkëpunëtorë të shërbimeve
Dy funksionarë aktualë dhe një i mëparshëm janë shpallur për bashkëpunëtorë të shërbimeve sekrete nga ana e Komisionit për Verifikimin e Fakteve.
Sipas burimeve brenda Komisionit, bashkëpunëtori i parë është profesor në Institutin për Letërsi dhe Lekturë në Universitetin e Riekës dhe anëtar i Shoqatës së Shkrimtarëve të Maqedonisë.
Ai ka vepruar nën emrin “Gogol” dhe ka qenë bashkëpunëtor aktiv nga viti 1985 deri në vitin 1995.
Për bashkëpunëtor është shpallur edhe një anëtar i Këshillit Drejtues të Spitalit Klinik të Manastirit, i cili kishte pasur kontakte me shërbimet sekrete që në kohën kur vijonte studimet e mjekësisë.
Nga viti 1976 deri në vitin 1990, ai kishte qenë bashkëpunëtor nën pseudonimin “Viktor”, bëjnë të ditur nga Komisioni.
Personi i tretë është një ish-ndihmës ministër i Punëve të Jashtme, i cili kishte qenë në lidhje operative dhe miqësore me shërbimet, që në kohën kur vijonte studimet në vitet e 60-ta në Gjermani.
Ai kishte pasur pseudonimin “Ekonomist” dhe ishte aktivizuar në vitin 1981./portalb/