Nimetz kërkon takim me ambasadorin maqedonas dhe grek

Ndërmjetësuesi për çështjen e emrit ndërmjet Maqedonisë dhe Greqisë, Metthew Nimetz, ka kërkuar takim të ri me ambasadorët e Maqedonisë dhe atë të Greqisë që janë të përfshirë në çështjen e emrit. 

Takimet janë paraparë më 29 dhe 30 janar në New York, ndërsa temë e bisedimeve pritet të jetë çështja e emrit, për të cilën Nimetz vizitoi Shkupin dhe Athinën. 

Nimetz pritet të mësojë vendimet e qeverive të dy shteteve pas analizave të ideve të shtruara në takimet veç e veç me ndërmjetësuesin./Portalb